[الجزء الاول ]نصائح لشراء لاب توب LapTop

[الجزء الاول ]  نصائح لشراء لاب توب LapTop

كل واحد دلوقتي محتاج انه يكون معاه Laptop سواء في مجال عمله او للإستخدام الشخصي .. صحيح ان الـ Taps والـ Mobiles غطت كتير علي وجود الـ Laptop في حياتنا إلا انها متقدرش تغنيك عنه خصوصاً لو كان مجال شغلك بيحتاج برامج عالية او انت نفسك محتاج مساحات تخزينية عالية، أو ابسط تقدير انك عايز شاشة اكبر من 10 بوصة عشان تعرف تشتغل عليها...
وعشان كل واحد بيختلف ذوقه ودماغه عن التاني .. انت بنفسك اللي هتحدد نوع اللاب اللي تستخدمه من خلال مجموعة بسيطة من الأسئلة اللي هتسألها لنفسك .. وهتلاقي شرحها في الموضوع دا ان شاء الله ، وعشان مطولش عليكم .. نبدأ بسم الله :

1 – حدد استخداماتك.زي ما قولت في أول المقالة ان مش كلنا محتاجين نفس المواصفات ولا كلنا عايزين نفس الاستخدامات .. عشان كدا لازم انت تحدد الأول انت محتاج اللاب دا ليه !!
- للشغل ( PowerPoint – Simple Business – Presentations ) .
- للإستخدام الشخصي العالي ( Games – HD Movies ).
- للإستخدام الشخصي البسيط ( Chatting – Browsing ).
وقبل اي حاجة عشان الفلوس اهم حاجة في الموضوع دا  متنساش تحدد متوسط السعر اللي انت عايز تشتري بيه اللاب الجديد...


2 – عمر البطارية.الـ Laptops عموماً اتعملت عشان تقدر تتحرك بيها زي مانت عايز .. عشان كدا عمر البطارية يعتبر من أهم مميزات اللاب اللي ناوي تشتريه. 
في حالة انك مش بتتحرك كتير أو أنك جايب اللاب كمجرد بديل للحاسب العادي PC يبقى موضوع البطارية دا مش مهم للدرجة. أما لو كنت بتتحرك كتير أو بتسافر كتير أو حتي بتقعد برا البيت فترة طويلة يبقى أكيد موضوع البطارية مهم.
بما ان العلم كل شوية بيطور وبيظهر حاجات جديدة .. حاول تبعد عن اللاب اللي تكون بطاريته جواه non-removable عشان لو لا قدر الله حصلها حاجة يكون استبدالها سهل من غير فك أو تركيب.



3 – الوزن والحجم المناسب.الاجهزة التقيلة تقتل الحركة.. عشان كدا من أوائل 2011 بدأ يظهر الـ Ultrabook اللي بتركز عالوزن الخفيف ( تقريباً 1.3 – 1.5 كيلوجرام )عشان تقدر تتحرك بيه زي مانت عايز.. دا غير انها بتركز على عمر البطارية اللي سبق واتكلمنا عنه.
معظم الأنواع اللي بتكون 15 بوصة أو اكتر بيبدأ وزنها بـ 2.5 كيلوجرام.. ممكن ميبانش انه كتير بس مع طول مدة شيل الجهاز هتحس بالوزن دا.. دا غير ان فيه اجهزة بيوصل وزنها لـ 3 و 4 كيلوجرام ( الحاجات دي هنتكلم عنها في موضوع لوحدها ).
طيب ازاي نحل مشكلة الوزن دي .. بسيطة جداً : عندك يا سيدي شركات زي الـ Sony's Vaio دي بتركز اوي عالوزن الخفيف ومش بتنسى الإمكانيات العالية.. بس خلي بالك انها بتكون اعلى شوية في السعر.


كدا خلصنا الجزء الأول من النصايح .. انتظروا الجزء الثاني إن شاء الله..

Hassan